Ја изгубил бурмата и се откажал од барање – природата му ја вратила на необичен начин

Еден 82-годишен Германец ја изгубил својата бурма додека копал во градината пред три години. Откако дал сè од себе за да ја најде, кренал раце мислејќи дека споменот од венчавката е засекогаш изгубен.

Но, природата имала поинаков план, бидејќи венчалниот прстен му го вратила на најнеобичен можен начин.

Додека проверувал како напредуваат морковите, многу се изненадил кога видел како од едниот наѕира бурмата која ја изгубил пред три години. Морковот растел околу прстенот, а симболот на љубовта бил лесен да се забележи.

Покојната жена била убедена дека нејзиниот сопруг кога-тогаш ќе ја пронајде изгубената бурма и се покажа дека таа била во право.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.