„Девојчето од Авганистан“ в затвор заради фалсификување документи

Шарбат Гула позната како „Девојчето од Авганистан“ која го красеше еден од најпрочуените броеви на магазинот Национална Географија, е прогласена за виновна за фалсификување на документи и нелегален престој во Пакистан. Затоа е осудена на 15 дневен затвор по што ќе биде депортирана. Според адвокатот, судот одредил и парична казна од 1.100 долари.

Само на еден ден откако и беше одбиено барањето да се брани од слобода, на Гула и се слошило и била хосппитализирана во Пешевар, но детали за нејзиното здравје не се соопштуваат. Ги почитуваме законите и ја плативме казната, соопшти авганистанскиот конзул во Пешевар, кој објави дека во понеделник таа ќе се врати во Авганистан.

Според информациите од фотографот Стив Мекари, Гула била среќна за враќањето дома, а државата и обезбедила нова куќа, чии што клучеви по нејзиното враќање во Кабул лично ќе и ги врачи претседателот Ашраф Гани.

Нејзините роднини за медиумите раскажуваат дека Гула планирала да се врати во селото на татко и во Авганистан уште пролетта, но тоа било целосно уништено од ИСИС.

Организацијата „Хјуман Рајтс Воч“ посочува дека од 1 јули Пакистан е дом за 370.000 бегалци од кои регистрирани се само 200.000. Тие ќе се придружат на еден милион внатрешно раселени Авганистанци кои се борат да преживеат во земјата растргната од конфликтот и ужасната беда, велат од групата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.