Марин Чилиќ влезе во дуелот со Новак Ѓоковиќ во Париз без ниту една победа и дури четиринаесет порази од српскиот ривал, но денеска успеа да го совлада светскиот рекет број еден и да ја прекине негативната серија во меѓусебните дуели.
Хрватот успеа прв да направи брејк, Ѓоковиќ го врати, но во десеттиот гејм Чилиќ ја искористи втората сет топка за 6:4 и најава за изненадувањето во „Берси“.
Вториот сет донесе израмнета борба до 4:4, по што следуваше брејк на Ѓоковиќ и брз одговор на Чилиќ, по што двајцата се консолидираа и го одвеа сетот во тај-брејк. Србинот стартуваше со мини-брејк, следуваше серија од четири поени по ред за Чилиќ, со што тој рутински го приведе кон крај сетот (7:2) и мечот за голема победа за себе, но и за Енди Мари.
Елиминацијата на Ѓоковиќ значи дека евентуалниот пласман на Британецот во финале ќе го одведе на првото место на АТП листата.
Чилиќ во полуфиналето за противник го има Џон Иснер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
