„Тролови“ дојдоа во Македонија (видео)

Од генијалните автори на „Шрек” и на „Кунг Фу Панда” и од студиото „Дрим воркс анимејшн“ од денеска, 3 ноември, во кината доаѓа екстравагантната и распеана анимирана комедија“Тролови”.

Троловите се слатки и љубопитни суштества кои сакаат да пеат , играат и добро да се забавуваат. Но овие суштества не се само преубави, туку се и главна храна за гладните Бергени.

Кога Мака, оптимистичната и весела принцеза на Троловите ќе започне опасна мисија кон спасување на своите најдобри другари од гладните бергени, доаѓа до Закерала по помош, градскиот готвач – песимистичен реалист кој сака да и покаже на принцезата дека светот не е само колачи. Тие двајца заедно ќе се впуштат во авантура која ќе ги однесе надвор од светот кој им е познат.

Музиката за овој филм ја компонираа Џастин Тимберлејк и Гвен Стефани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.