Слатка одмазда на Гвардиола, Сити и врати мило за драго на Барселона (видео)

Вечерва се одигра половина натпревари од четврото коло во Лигата на шампионите во групите А, Б, Ц и Д. Фаворитите на големи маки, но сепак ги освоија трите бода.

Во дербито на колото Манчестер сити им врати мило за драго на фудбалерите на Барселона за поразот во минатото коло, совладувајќи го каталонскиот гигант со 3-1. За разлика од дуелот на „Камп ноу“, овојпат избраниците на Пеп Гвардиола знаеја како да ги искористат шансите што ги создадоа, па на крајот заслужено стигнаа до трите бода. Барселона има за што да жали бидејќи целосно доминираше во првите триесетина минути, кога стигна и до водство преку Лео Меси. Сепак, почетничката грешка на Серио Роберто ги врати домаќините во водство, па најпрвин Гундоган погоди за 1-1, а Де Бруин на стартот од второто полувреме со прекрасен гол од слободен удар го доведе Сити во водство. Конечните 3-1 ги постави Гундоган по одличната акција на Де Бруин и Навас, откако Агуеро играше со рака на работ на петерецот и ја спушти топката за германскиот интернационалец.

Интересен натпревар се одигра и во Софија каде екипата на Арсенал се намачи против Лудогорец за сепак на крајот слави со 3-2. Бугарите изненадувачки многу бргу поведоа и со 2-0 против четата на Арсен Венгер, но англсикиот великан докажа дека оваа сезона е тим за големи дострели и со три гола во продолжението од кој последниот во самиот финиш од мечот со маестрелен погодок на Месут Озил дојдоа до трите бода. Арсенал се задржа на делба на првото место со ПСЖ. „Светците“ исто така се соочија со огромни проблеми на гостувањето против Базел, но триумфираа со 1-2 со голот што во судиското продолжение го постигна десниот бек Муние.

Атлетико Мадрид со тешка мака го совлада Ростов со 2-1, со голот на Гризман во 93. минута. Гостите протестираа барајќи офсајд, но еден нивни фудбалер ја спушти топката за францускиот ас, по што арбитрите го признаа погодокот.

ГРУПА А:

Лудогорец – Арсенал 1-2, Базел – ПСЖ 1-2.
Табела: Арсенал 10, ПСЖ 10, Базел 1, Лудогорец 1

ГРУПА Б:

Бешикташ – Наполи 1-1, Бенфика – Динамо Киев 1-0.
Табела: Наполи 7, Бенфика 7, Бешикташ 6, Динамо Киев 1.

ГРУПА Ц:

Манчестер сити – Барселона 3-1, Борусија М. – Селтик 1-1.
Табела: Барселона 9, Манчестер сити 7, Борусија М.4, Селтик 2.

ГРУПА Д:

ПСВ Ајндховен – Баерн 1-2, Атлетико Мадрид – Ростов 2-1.
Табела: Атлетико Мадрид 12, Баерн Минхен 9, ПСВ Ајндховен 1, Ростов 1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.