Чикаго продолжува да изненадува, победи забележаа и Атланта и Клиперс (видео)

Синоќа се одиграа четири натпревари во најсилниот кошаркарски шампионат на светот, НБА лигата во кои убедливи победи славеа Атланта, Чикако, и Лос Анџелес Клиперс, додека Торонто во самиот финиш со скрши отпорот на Денвер победувајќи го со 105-102.

Чикаго булс направи коренити промени во ростерот во текот на летото, па токму затоа е големо изненадување што „биковите“ играат одлична кошарка уште од стартот на новата сезона. Тие синоќа го демолираа на гостински терен Бруклин со убедливи 88-118 за трета победа во низа, што е првпат Чикаго да стартува сезона со скор 3-0 по пауза од цели 20 години кога тренер на овој тим беше Фил Џексон, а прва ѕвезда неповторливиот Мајкл Џордан.

Тимската игра беше рецептот за победа во Бруклин откако дури седум кошаркари на Чикаго стигнаа до двоцифрен број на поени, а најефикасен беше Батлер со 22 поени, додека Миротиќ оствари дабл-дабл од 16 поени и 10 скока.

– Игравме заедно само во предсезоната, се уште се навикнуваме еден на друг. Во секој случај, одлично е да се стартува со три победи – изјави Двејн Вејд, кој веднаш ја презеде лидерската улога во тимот.

Лос Анџелес Клиперс го продолжи својот совршен старт на сезоната со нова убедлива победа, овој пат над Феникс (116-98). Прво име во „Стејплс Центарот“ беше Крис Пол со 24 поени, 8 асистенции и 5 скока, а Блејк Грифин додаде со дабл-дабл (21 поени, 11 скока и 5 асистенции).

НБА резултати:

Атланта – Сакраменто 106-95, Бруклин – Чикаго 88-118, Торонто – Денвер 105-102, ЛА клиперс – Феникс 116-98.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.