Се поместија стрелките од часовникот, сега помогнете му на телото помалку да ја чувствува промената

Иако станува збор за само еден час, тоа е голема промена за нашето тело на кое не му се допаѓа кога некој му го нарушува деноноќниот ритам. Помогнете си така да телото што помалку ја чувствува таа промена. Уште еден дополнителен час во текот на денот за многумина е причини за радост. Некои ќе го користат за подолго спиење, а младите ќе бидат во можност да останат еден час подолго надвор. Но, секоја промена на времето, без разлика дали тоа се поместува наназад, како што е случај во зима, или напред во пролет, го исфрла нашето тело од “шини”. Тоа го нарушува нашиот деноноќен ритам. Слично на тоа е и кога патувате со авион и ги менувате временските зони. Ако летате на исток го губите времето. Испровоцирано предвремено заминување во кревет ќе предизвика проблем со заспивање и најверојатно ќе бидете повеќе будни таа ноќ. Ако летате кон запад, ќе добиете дополнителни часови. Ќе заспиете полесно, но ќе имате проблеми со будењето. Секој од нас различно ја поднесува оваа промена. Некои ќе се навикнат полесно, некои потешко. Како по правило, на секој му треба еден ден да нивното тело се прилагоди на еден дополнителен час. Но, некои луѓе може да почувствуваат последици и до една недела.

Што можете да направите веднаш да се прилагодите на оваа промена? Деноноќниот ритам го одредува нашиот внатрешен часовник на телото, но на него влијае и животната средина, однесувањето и лековите. Бидејќи светлината е најважната алка во нашиот секојдневен ритам обидете се преку ден што повеќе да бидете изложени на светлина, особено на сончева светлина.

Штом почне да паѓа мрак намалете ја светлината. Не е добро во текот на ноќта да сте изложени на силна светлина, затоа што праќа порака до телото дека треба да бидете будни, наместо тоа да почне да се одмора. Ако одите во текот на ноќта да користите тоалетот, не ги палете силните, големи светла. Обидете се да си обезбедите сијаличка која нема да ве разбуди и нема да пречи на вашиот веќе расеан деноноќен ритам.

На тој начин би требало да си овозможите подобро да го следите внатрешниот природен часовник. Ноќта на одмор, денот за активности, во согласност со WebMD.

Хигиената на спиењето се однесува на она што можете да преземете да создадете пријатна атмосфера за спиење. Тоа значи дека треба да го елиминирате кофеинот и алкохолот таа ноќ, за вежбате неколку часа пред спиење, да воведете заспивачки ритуали, како што е топлата бањи на пр., а ако ви одговара, можете да носите маска за очи и тапи за уши.

Исто така, за да се одржи оваа атмосфера, важно е да легнете и да се будам секој ден во исто време.

кукурику.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.