За францускиот тренер на клупата на Реал Мадрид, Зинедин Зидан нема сомнеж кога се работи за победникот на овогодишната награда „Златна топка“. 44-годишниот стратег од Марсеј вели дека само името на Роналдо треба да се споменува како најдобар фудбалер за изминатата сезона.
– Знам многу добро како стои моменталната ситуација, бидејќи Роналдо се наоѓа во слаба форма. Меѓутоа, можеби прерано сите заборавија што направи Кристијано изминатата сезона. Тој ја покажа својата класа на ЕП во Франција и во финалето на Лигата на шампионите, каде го постигна победничкиот гол од пенал. Тој не е индивидуален играч, а тоа го докажува на стартот од оваа сезона со неговите асистенции. Тој е единствениот, кој ја заслужува „Златната топка“ оваа година – вели Французинот.
Португалецот доби критики за својата форма на стартот од новата сезона, која е далеку од онаа на која што сме навикнати да го гледаме. Дури и фановите од Мадрид ја загубија довербата кај него, па на анкетите го бираа Лионел Меси како победник.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
