Германскиот интернационалец во редовите на Манчестер јунајтед Бастијан Швајнштајгер е во немилост на менаџерот Жозе Мурињо. Уште пред почетокот на сезоната Португалецот му порача на Швајни дека нема да смета на него во новата сезона, иако е меѓу тројцата најплатени играчи на „црвени ѓаволи“ со годишна заработувачка од повеќе од 14 милиони евра.
Сепак тоа не го обесхрабрува Германецот и поранешен капитен на „панцирите“ да продолжи да го бодри својот тим. Откако минатата недела беше виден во Белград како го следи кошаркарскиот натпревар меѓу Партизан и Олимпија и притоа му е врачен дрес од „црно-белите“ со неговото име, тој синоќа беше на „Олд Трафорд“ да ги бодри своите соиграчи во рамките од Лига купот на Англија против градскиот ривал Сити.
Безрезервната подршка што Швајни редовно им ја упатува на своите другари од клубот покажува за колку голем човек станува збор.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
