Шимпанзо што пуши главна ѕвезда на зоолошката градина во Пјонгјанг (Видео)

Новоотворената зоолошка градина во севернокорејскиот главен град Пјонгјанг има нова атракција – шимпанзото Азалеа, кое пуши цигари.

Девеетнаесетгодишниот мајмун знае самостојно да користи запалката, и пуши по една кутија цигари дневно.

Претставник на Зоолошката градина изјави дека Азалеа, сепак, не го вовлекува чадот, па шансите за штетни последици по нејзиното здравје се мали.

Ако, пак, случајно не се снајде со запалката, ова снаодливо животно ја пали цигарата од догорчето на претходната.

Азалеа, или скратено Дале, е вистинска ѕвезда во зоолошката градина. Посетителите се смеат од срце кога ја гледаат како пуши, ги слуша и исполнува наредбите на дресерот, танцува и се поклонува кон насобраната публика во знак на благодарност.

Новата зоолошка градина, која беше отворена на крајот од јули, дневно има по неколку илјади посетители. Таа е отворена на местото на претходната зоолошка градина, изградена од Ким Ил-сунг, првиот севернокорејски лидер и дедо на сегашниот претседател Ким Џонг-ун.

Меѓу повеќето атракции, олицетворени во вешти животни, е и мајмунчето што прави маневри со кошаркарска топка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.