Поранешната дадилка на Анџелина Џоли ја повика славната актерка да ја заврши војната со својот сопруг Бред Пит. Дадилката е загрижена дека Анџелина ги користи децата како оружје за да го оцрни Бред – нешто што го правела и нејзината мајка кога Анџелина била дете.
Крисиан Морел (63) се грижела за Анџелина во првите неколку години откако била родена и е блиска пријателка на нејзината мајка Маршелин Бертранд, која почина од рак. Дадилката вели дека има многу сличности меѓу сегашните постапки на Анџелина и оние на мајка ѝ, кога таа ја прекина врската со Џон Војт, таткото на Анџелина.
-Решив да проговорам за да ѝ испратам порака на Анџелина, која многу ми значи. Да ѝ кажам да не го брка Бред од животот на своите деца. Немој да ги користиш децата како оружје во разводот. И немој да правиш чудовиште од сопругот. Бидејќи токму тоа го правеше твојата мајка кога прекинуваше со твојот татко. Како резултат, ти имаше осамено и трауматично детство. Зошто им го правиш истото и на своите деца, прашува дадилката.
Таа открила и дека Бертранд не можела да ја гледа Анџелина бидејќи премногу личела на татко си, па поради тоа избегала со млад студент.
– Енџи беше осамено и проблематично дете. И нејзе и нејзиниот брат цело време ги чуваа дадилки. Мајка им никогаш не им готвеше, постојано јадеа сува храна. На крај излезе дека Џон е лошиот, а Маршелин успеа да ги сврти децата против него. Сега истото го прави и Анџелина, раскажува дадилката.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
