Жена пронајдена мртва со рани од глодар

Починато повозрасно женско лице со видливи рани во пределот на телото, најверојатно од гризење од глодар, вчера било пронајдено во Гевгелија.

Лекар од Итна медицинска помош вчера во 15:35 часот во гевгелиската Полициска станица пријавил дека на ул. „Илија Мијов“ во Гевгелија, каде биле на повик за медицинска интервенција, пронашле починато повозрасно женско лице со видливи рани во пределот на телото.

Како што соопшти МВР, од извршениот увид на местото на настанот било констатирано дека почината е Т.В. (84), имала видливи рани и во пределот на рацете, нозете и лицето, најверојатно од гризење од непознат глодар.

По наредба на јавен обвинител телото на починатата било пренесено во Институтот за судска медицина во Скопје за обдукција и утврдување на причините за смртта.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.