На овој ден пред 15 години почина југословенската легенда – неговата смрт е мистерија

На денешен ден пред 15 години почина пејачот и композитор Родољуб Роџа Раичевиќ, кој беше пронајден мртов во својот стан. Почина на 44 години, а остана запаметен на просторот на поранешна Југославија по многу хитови.

Еден период беше дел од составот „Рокери с Мораву”, а се оствари и преку многу дуети со Лепа Брена, Ана Бекута, и секако најпознатиот, песната „Године иду”.

Го нарекуваа новиот Тома Здравковиќ, нижеше хит по хит, а кога закажа голем концерт, беше пронајден мртов во својот стан. Според официјалните податоци, причина за смртта е предозираност со кокаин, но други детали не се познати.

Предозираноста со кокаин најчесто е проследена со гушење или прекинување на работата на срцето, а обдукцијата на пејачот не покажа вакви проблеми. Неговата смрт поради тоа сеуште е мистерија.

Кружеа гласини и дека починал од СИДА, па и дека се замерил со криминалци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.