Почна судењето на убијците на Борис Немцов

Во Воен суд во Москва денеска почна судењето на петмината обвинети за убиството на рускиот политичар Борис Немцов.

Поранешниот прв заменик премиер на Русија, подоцна остар критичар на политиката на претседателот Владимир Путин, беше убиен минатата година во центарот на Москва, во близина на Кремљ.

Сите обвинети се Чечечнци, осомничени дека добиле пари за да го извршат убиството на познатиот политичар.

Петмината обвинети ги отфрлаат обвинувањата.

Се стравува дека оние кои го нарачале и го платиле убиството на Немцов, можеби никогаш нема да бидат пронајдени.

Адвокатите на семејството Немцов, изјавија за западни медиуми дека истрагата за убството не била ниту објективна, а ниту коректна.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.