Македонски спот за светски бенд: Фејт но мор го објави видеото за „Cone Of Shame“

Светски популарниот рок бенд Фејт ноу мор го објави спотот за својата песна „Cone Of Shame“. Видеото е снимано во Македонија, од страна на домашна екипа.

Режисер на видеото е Гоце Цветановски од македонската компанија Lynx Animation Studios, во чија продукција е видеото. Во спотот глумат неколку македонски актери меѓу кои и Митко Апостоловски.

Басистот на бендот вели дека иако можеби полесно би им било да го снимаат видеото во Аризона или Њу Мексико, но во Македонија (каде што бил неколкупати) почувствувал посебен „вајб“, а режисерот Цветановски одлично ја пренел нивната визија.

Песната „Cone Of Shame“ е дел од последниот албум на американскиот рок бенд, Sol Invictus.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.