Најдобриот светски тенисер Новак Ѓоковиќ го откажа учеството на АТП турнирот во Пекинг. Ѓоковиќ во Пекинг победуваше во изминатите четири години, а се повлече од турнирот поради повреда на лактот.
– Чајна Опен е еден од моите омилени турнири. Тука имав многу успешни резултати и се радувам што и во иднина ќе настапувам тука, рекол српскиот тенисер за официјалната интернет страница на турнирот.
Ѓоковиќ цело лето има проблеми со повредите, недоволно рехабилитиран настапи на УС Опен, каде во финалето загуби од Вавринка во четири сета. Тој во кинеската престолнина во кариерата има освоено шест титули, тој е непоразен во Пекинг веќе четири години, а во тој период забележал 29 победи.
Турниот од серијата 500 во Пекинг се игра од 3. до 8.октомври, а наградниот фонд изнесува 2.916.550 долари
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
