Наполи спречен во Џенова, Јуве, Рома и Интер без проблеми до трите бода (видео)

Шампионот Јувентус им се врати на победите по поразот од Интер во минатото коло. „Старата дама“ беше убедлива против Калјари, победувајќи со 4-0. Ругани, Игуаин и Дани Алвеш стрелаа во првиот дел, а во финишот на мечот автогол си постигна Чепители.

Рома исто така со 4-0 славеше на домашен терен против Кротоне. Ел Шарави и Салах погодија во првиот дел, а во второто полувреме блесна Џеко со два гола. фантастина асистенција забележа легендарниот Франческо Тоти.

Интер на крилата на Икарди славеше победа против Емполи од 0-2 (0-2). Аргентинецот двата гола ги постигна во 10. и 17. минута и донесе уште една победа за „нероазурите“.

Во останатите натпревари Киево славеше победа со Сасуоло од 2-1, а натпреварите Удинезе – Фиорентина (2-2) и Пескара – Торино (0-0) завршија со поделба на бодовите. Фудбалерите на Торино на Синиша Михајловиќ на денешниот натпревар добија два црвени картони.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.