Брат брата не рани, тешко кој го нема! (видео)

Викендов во Мексико се одржа последната трка која беше дел од светската триатлонска серија. И ќе поминеше незабележано доколку при самиот крај не се случеше момент, кој ги освои срцата на многу луѓе низ светот.

Британецот Џонатан Браунли беше во водство сѐ до 200 метри пред крајот кога почна да губи рамнотежа и да забавува. Веднаш зад него беа Јужноафриканецот Шеман и неговиот брат Алистар Браунли. Во тие моменти Џонатан веќе беше задржан од едно од лицата покрај патеката за да не падне, а неговиот брат го фати под рака и заедно продолжија да трчаат до целта. Кога стигнаа, едноставно го турна својот брат да заврши како втор, а тој самиот го освои третото место.

The 2016 WTS season ends in a dramatic fashion. What. A. Year. #WTS2016 pic.twitter.com/nvqNrrI13D

— World Triathlon (@worldtriathlon) September 19, 2016

Сепак, за жал, со освоеното второ место Џонатан не успеа да триумфира во триатлонската серија бидејќи за тоа му беше потребен само триумф. На крајот победник во генерален пласман е Шпанецот Марија Мола.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.