Пауло Коелјо сака да пишува роман за Радован Караџиќ

Хашкиот трибунал доби несокојдневна понуда и целиот свет е во очекавање на неговиот одговор.

Имено, како што објави белградскиот весник „Вечерње новости“, Коелјо побарал од Трибуналот да му дозволи средба со поранешниот лидер на босанските Срби, Радован Караџиќ, со цел да напише книга за неговиот живот.

Според весникот, славниот писател најавил дека е подготвен да допатува во Холандија и со Караџиќ да мине две недели, со цел тој да му раскаже како со години се криел од органите на прогонот под лажното име, доктор Драган Давид Дабиќ.

„Вечерње новости“, повикувајќи се на „добро информиран извор“, тврди дека Караџиќ засега не се согласил целосно да открие дел од неговата лажна биографија и сѐ да му раскаже на бразилскиот писател.

Иако е свесен дека неговата приказна ќе има планетарен одек, а со потписот на Коелјо и книгата ќе достигне милионски тираж, Караџиќ сѐ уште размислува за оваа „многу примамлива понуда“, додава истиот извор.

Без сомнеж криењето под името на докторот Дабиќ било оригинално, а неговата физичка трансформација повешта отколку во кој било криминалистички филм. Караџиќ со овој идентитет слободно се движел меѓу народот, шетал низ српскиот главен град и работел како лекар, практично пред носот на сите служби кои со години трагаа по него.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.