Владата не ги заборава младите и ги исполнува ветувањата: 50 машини за перење и за сушење за десетте студентски домови

Педесет професионални машини за перење и исто толку машини за сушење со капацитет до 10 килограми, ќе се набават за потребите на студентите сместени во студентските домови во земјата. Машините ќе работат на систем на жетони.

– Машините за перење и за сушење се едно ветување што го дадовме во минатото. Информиран сум од страна на Министерството за образование и наука дека нивни тимови ги посетиле сите десет студенски домови во земјата за да направат проценка каде и колку треба да се набават вакви машини. После таа проценка се направени одредени спецификации за набавката и веќе е почната процедурата со тоа што се пратени материјалите до Советот за јавни набавки којшто треба да ги одобри. Доколку ги одобри, веројатно крајот на септември, би имало објава за набавка, а некаде во јануари ќе бидат достапни и ќе можат да се користат од страна на студентите, изјави претседателот на ВМРО-ДПМНЕ Никола Груевски, кој денеска присуствуваше на промоцијата на 13 нови наслови од проектот „Превод на стручни научни книги и учебници“ од кои се учи на врвните, најдобрите и најреномираните универзитети во САД и Англија, а од областа на правото во Франција и Германија“.

Тој потсети дека ова е едно од 40-те ветувања кои им беа дадени на младите, дел од еден поширок пакет проекти за помагање на младите луѓе во Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.