По поразот од Унгарија кошаркарите ги губат шансите за пласман на ЕП 2017

Премногу рано во квалификациите ќе играме под закана на испаѓање, а со тоа и неодржување на континуитетот од минатите кошаркарски собири на кои бевме постојано присутни.

Во натпреварот да се биде или не кошаркарската репрезентација на Македонија го претрпе и вториот пораз во квалификациите, прв на домашен терен, од селекцијата на Унгарија со 76:66.

Лош ритам кој владее во „црвено-жолтиот” табор, а се подалеку се одалечуваме од пласман на Евробаскетот во 2017 година. Во наредните три натпревари ќе мора убедливо да ги добиеме.

Во почетокот и двете репрезентации играа кош за кош, каде што блага доминација имаше селекцијата на Унгарија, но во ните еден момент не успеа да се одлепи на пристојна предност. На крајот од 1/4 македонската репрезентација го имаше и првото водство на мечот, по што ја заврши четвртината со водство од 17:15.

Унгарците со серија од 6:0 ја отворија 2/4 и повторно го превземаа водството со 21:17. Но нашите кошаркари веднаш возвратија и отидоа на пауза со плус три во нивна корист (35:32).

Во третата четвртина голем дел Унгарците имаа предност, каде што на две минути до крајот направија серија од 10:0 за предност од плус шест (48:42). Но, Мекедонија успеда да се совземе и да погоди неколку напади по ред за да се заврши 3/4 со 48:48.

Последниот период помина со комплетна доминација на противникот. Унгарците од напад во напад само ја зголемуваа предноста која на крајот дојде и до највисоки плус единаесет во нивна корист (75:64), за да се заврши со 76:66.

Премногу рано во квалификациите ќе играме под закана на испаѓање, а со тоа и неодржување на континуитетот од минатите кошаркарски собири на кои бевме постојано присутни.

Најефикасен во македонската репрезентација беше капитенот Дамјан Стојановски со 16 поени и 6 скокови, додека во противничкиот состав имаше многу порасположливи кошаркари, меѓу кои Бојвода со 27 поени, како и Ханга со 15 коша.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.