Ѕвездата на Барселона ја откри причината поради која драстично го промени изгледот ова лето. Тој ја бојадиса косата руса и пушти брада, па многумина на социјалните мрежи, откако го видоа со новиот изглед, почнаа да се шегуваат на негова сметка.
Запрашан која е причината за промената, Меси одговорил дека по разочарувањето од неуспехот на Аргентина на годинашнава Копа Америка кога загуби во финалето, му требал свеж почеток.
– Ја обоив косата еден особено тежок ден за мене. Си реков, сега мора да тргнеш од нула и ја направив таа промена – одговорил Лионел во едно аргентинско ТВ шоу.
Тој, исто така, додал дека засега се чини дека неговиот син Тијаго нема да тргне по неговите стапки затоа што не покажува интерес кон фудбалската игра
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
