Фаворитите на вчерашните мечеви од 3.коло на УС Опен без поголеми проблеми се пласираа во осминафиналето.
Најдобрата светска тенисерка Серена Вилијамс ја победи Јохана Ларсон со 2-0 во сетови (6:2 и 6:1), додека нејзината сестра Венус Вилијамс беше поуспешна од Лаура Зигемунд со 2-0 (6:1 и 6:2).
Пласман во следната рунда изборија уште: Јарослава Шведова, Карла Суарез Наваро, Симона Халеп, Агнешка Радванска, Ана Коњух и Каролина Плискова.
Кај мажите вториот носител Енди Мареј загуби еден сет и го совлада Паоло Лоренци со 3-1 (7:6; 5:7; 6:2 и 6:3). Со истиот резултат и Кеи Нишикори го победи Никола Махут 3-1 (4:6; 6:1; 6:2; 6:2).
Најтешко со осминафиналето стигна Стан Вавринка кој со 3-2 во сетови (6:4; 6:3; 6:7; 7:6 и 6:2) го елиминира Даниел Еванс. Во следната рунда се пласираа уште: Доминик Тием, Хуан Мартин Дел Потро, Илија Марченко, Иво Карловиќ и Григор Димитров.
Попладнево и вечерва се играат првите осминафинални мечеви во двете конкуренции.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
