Бројот на загинати во досегашната 18 месечна граѓанска војна во Јемен достигна околу 10.000 лица, изјави денеска координаторот за хуманитарни прашања на ОН Џејми Макголдрик.
Досега официјалните претставници и хуманитарни организации во Јемен наведуваа дека има над 6.000 загинати.
Макголдрик на пресконференцијата во Сана потенцира дека новите податоци се заосноваат на официјални информации добиени од здравствените установи во Јемен.
Тој додаде дека бројот на загинати може да е уште поголем, бидејќи во еден реон нема здравствени установи и луѓето таму во повеќето случаи сами ги погребуваат починатите роднини
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
