Лас Палмас на чело заедно со Барса и Реал, Атлетико сѐ уште без победа (видео)

Во шпанската Примера Дивизија викендов се одигра 2. коло. Изненадувањето Лас Палмас го декласираше тимот на Гранада со 5-1 и со две победи и најдобра гол разлика изби на чело на табелата во новата сезона.

Барселона со голот на Иван Ракитиќ минимално го совладаа Билбао.

Во саботата и Реал Мадрид успеа да извлече минимална победа (2-1) на домашен терен против Селта.

Атлетико Мадрид по две одиграни кола сѐ уште нема победа. По ремито против Алавеш (1-1) во првото коло, „јорганџиите” одиграа без голови против дебитантот во Примера, Легањес. Со два бода Атлетико моментално е на средината на табелата.

Резултати од 2. коло:
Бетис – Депортиво Ла Коруња 0-0
Еспањол – Малага 2-2
Еибар – Валенсија 1-0
Осасуна – Реал Сосиедад 0-2
Реал Мадрид – Селта Виго 2-1
Легањес – Атлетико Мадрид 0-0
Алавес – Спортинг Хихон 0-0
Лас Палмас – Гранада 5-1
Атлетик Билбао – Барселона 0-1
Виљареал – Севиља 0-0

Табела:
1. Лас Палмас 6 бодови
2. Барселона 6
3. Реал Мадрид 6
4. Депортиво 4
5. Севиља 4
6. Спортинг 4
7. Легањес 4
…
12. Атлетико Мадрид 2

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.