Драма на небото над Америка: Експлозија на мотор на боинг во лет, 104 лица во авионот

Благодарение на присебноста и умешноста на пилотот, избегната е трагедија на летот од Њу Орлеанс до Орландо, кога на боингот му експлодирал моторот на среде лет. Во моментот на силната експлозија во леталото имало 99 патници и пет членови на екипажот.

Пилотот на авиокомпанијата „Саутвест ерлајнс“ бил принуден да изврши вонредно слетување на Флорида, а при инцидентот немало повредени.
-Одеднаш се слушна страшна експлозија. Делови од моторот почнаа да паѓаат. Беше ужасно. Гледавме од прозорец како се распаѓа моторот, рекол еден од преплашените патници.

Southwest Flight Makes Emergency Landing After Catastrophic Engine Failure Midair https://t.co/EJ6IpbDCqO

— The Editor (@TheDailyDigest) August 28, 2016

Другите патници наведуваат дека авионот почнал да паѓа веднаш по експлозијата и дека во авионот се слушнал врисок на преплашените патници. Набрзо дошло и до пад на притисокот во патничкиот дел, поради што патниците морале да ги стават маските за кислород.

-Пилотот на летото 3472 од Њу Орлеанс до Орландо бил принуден поради механички дефект да го пренасочи авионот на аеродромот Пенсакола. Во инцидентот немало повредени, соопштуваат од авиокомпанијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.