Српскиот министер во косовската Влада инсистира на одговорност за Мушутиште

Министерот за враќање и заедница во косовскатa Влада Далибор Јевтиќ изјави дека ќе се инсистира на одговорност на сите институции кои требало да го обезбедат не само денешниот престој на раселените Срби во селото Мушутиште, туку и враќање на тие луѓе таму.

Прупадниците на раселените локални Срби кои организирано се упатија во селото Мушутиште на Косово се вратија назад и не отидоа во селото.

Полицијата на Косово претходно во Мушутиште се судри со група албански демонстранти кои го блокираа влезот во селото за да ги спречат раселените Срби да дојдат и да присуствуваат на одбележување на селската слава.

Полицијата употреби солзавец за да ги растера демонстрантите а еден од нив е приведен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.