Американското Министерство за правда планира да прекине со користење на услугите на приватните затвори, објави весникот „Вашингтон пост“.
Според весникот, ваквиот предлог следи по извршената анализа на состојбите во приватните затвори, при што е утврдено дека тие стануваат се понебезбедни и понеефикасни. Американскиот заменик јавен обвинител Сали Јеитс соопшти дека Министерството за правда им дало инструкции на надлежните казнени институции „значителчно да ги намалат“ договорите со приватните затвосрки установи. Целта на оваа препорака, според Јеитс, е намалување и во крајна линија, целосен прекин на користењето на услугите на приватните затвори. Тие едноставно не го обезбедуваат истото ниво на услуги, програми и ресурси, а со нивното користење не се намалуваат трошоците. Како и што е наведено во неодманешниот извештај на Главниот инспектрорат на Министерството, во нив не е постигнато ниту исто ниво на безбедност (како во државните затвори), додаде Јеитс.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
