Димитриев во Смилковци: Разликата на терен е огромна, сликата комплетно е сменета, граѓаните задоволни

Сликата во скопско Смилковци кое беше погодено од поплавите се менува. Од ден по поплавите до денес разликата на терен е огромна и напредокот кој е постигнат во однос на санацијата на штетите е значителен. Жителите на Смилковци се благодарни за брзата реакција на институциите и се она што било направено за нив во изминативе денови.

Нив денес ги посети премиерот Емил Димитриев кој заедно со министрите за транспорт и врски и внатрешни работи Владо Мисајловски и Митко Чавков, изврши и увид во активностите за санација на штетите од поплавите.

Мештаните изразија благодарност до премиерот, до сите институции, како и до градоначалникот на Гази Баба, Тони Трајковски за кого рекоа дека за се им излегол во пресрет. Во Смилковци отворени се сите патишта, а граѓаните добија и струја.

Димитриев информираше дека од поплавените подрачја земени се мостри од почвата кои ќе се испратат на анализа за истата да се провери. Дополнително беше истакнато дека каналите е расчистуваат и во иднина ќе продолжат да се чистат и одржуваат. Во еден од каналите во Смилковци веќе се заменети старите цевки со нови поквалитетни.

Се санира и игралиштето во Смилковци каде планирано е да се одржи хуманитарен турнир од кој собраните средства ќе се донираат за поплавените подрачја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.