Фаворитите убедливи, „Граѓаните“ пресилни за Стеауа (видео)

Вечерва беа одиграни првите натпревари од последното коло во квалификациите за Лигата на Шампиони. Фаворитите беа убедливи, особено Манчестер Сити во Букурешт. „Граѓаните“ ја декласираа Стеауа со 5-0.

Имајќи в предвид дека Агуеро промаши два пенали во првото полувреме, може да се каже дури и дека домашната екипа добро помина на овој меч.

Давид Силва во 13. минута ги доведе гостите во водство, а Агуеро за промашените пенали се извади со голот во 41. минута за водство од 2-0.

На стартот од второто полувреме Нолито зголеми на 3-0, а во финишот од натпреварот Агуеро постигна уште два гола за хет-трик и конечни 0-5.

Во преостанатите дуели, екипата на Копенхаген на домашен терен го совлада кипарскиот Апоел со минимални 1-0.

Швајцарската екипа Јанг Бојс на домашен терен загубија од Менхенгладбах со 1-3.

Последните два дуели завршија без победник. Динамо во Загреб одигра 1-1 со Салзбург, а со истиот резултат заврши и мечот во Амстердам меѓу Ајакс и Ростов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.