Гори камп за мигранти во Германија: Најмалку 10 повредени, има сомневања дека пожарот е подметнат (Видео)

Најмалку 10 луѓе се повредени во големиот пожар кој избил во камп за бегалци во близина на германскиот град Касел. Како што пишуваат медиумите, таму престојуваат најмалку 800 мигратни, а во објектите каде избил пожарот, сместени биле околу 120.

Екипи на итната помош и на полицијата се на местотo на несреќата. За сега не е познато како избил пожарот, но постојат сомневања дека е подметнат, со оглед на тоа дека се поголем број радикални групи во Германија јавно го изразуваат својот револт и се против доселување на мигранти во земјата.

Фотографии од пожарот брзо почнале да се шират на социјалните мрежи, а луѓе кои живеат во близина на кампот, опишале дека “густиот чад веднаш го прекрил целото небо и дека надвор едвај се диши”. Тие додале дека без никаква заштита до кампот не може никој да се приближи затоа што “штипе на очи”.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.