На 7 август, во недела, ќе биде осветена црквата „Св. Пантелејмон“, изградена во кругот на прлепската болница „Борка Талески“, соопшти денеска градоначалникот Марјан Ристески.
– Иницијативата за изграба на малата црква „Свет Пантелејмон“ во кругот на болницата е од пред четири години по барање на верниците и проектот за нејзината изградба влезе во деталниот урбанистички план. Темелите беа поставени на 19 април 2012 година, а задутре ќе биде осветена па ги покануваме верниците да присуствуваат на чинот на осветувањето, рече Ристески.
Осветувањето ќе почне во седум часот, а со него ќе чиноначалствува владиката Петар во сослужение со прилепското архиерејското намесништво.
За прилепскиот архиерејски намесник, протојереј Благоја Станкоски, еднаш се осветува црква и тоа е свет чин. – Осветувањето е посебен и значаен чин и затоа е пожелно верниците да се запознаат со него, оти црква еднаш се осветува, рече Станкоски.
Од локалната самоуправа уверуваат дека црквата е изградена по сите црковни стандарди во чест и спомен на светецот, заштитник на болните и на лекарите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
