Скокна од височина од околу 7 км без падобран! (Видео + Фото)

Американецот Лук Ејкинс скокна од авион од висина од 7.600 метри без падобран и стана прв падобранец кој безбедно падна во мрежа раширена на тлото.

Ејкинс кој работел и како каскадер по филмови, се подготвувал за тој потфат 18 месеци.

Во текот на слободниот пад достигнал брзина од 193 км/час, а скокот бил изведен синоќа во долината Сима во Калифорнија. Телевизијата Фокс го пренесуваше 2-минутниот скок во живо.

Откако безбедно падна во мрежата, Ејткинс рече: – Ова е неверојатно, јас речиси лебдам. Не можам ни да кажам се што сакав да кажам. Ова што се случи е извонредно.

Досега извршил 18.000 скокови со падобран, а во 30 наврати морал да употреби резервен падобран.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.