Дали во Турција се случува втор пуч – Инџирлик опколена заради наводна инспекција

Околу 7.000 вооружени полицајци со тешки оклопни возила ја опколиле и ја блокирале воздухопловната база Инџирлик во Адана, која ја користи НАТО, а која веќе беше предмет на рестрикции по неуспешниот државен удар.

Турскиот министер за европски прашања, Омар Челик, рече дека станува збор за „безбедносна инспекција“, додека локалните весници шпекулираат дека можеби е во тек втор државен удар.

Според непотврдени информации, пак, војниците се испратени за да се справат со нов обид за државен удар. Весникот Хуриет навести дека затворањето на базата можеби е поврзано со обид на Ердоган да спречи втор државен удар. Весникот претходно објави дека властите добиле дојава за втор пуч и веднаш ги испратиле силите кај базата.

Поддржувачи на Ердоган и на неговата партија АКП се обидуваат да стигнат до воздушната база, но се задржани од воената полиција.

Според локални извори, полицијата ги затворила влезовите во базата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.