Капиталната предност на Шкендија по првиот натпревар со Млада Болеслав (видео)

Шкендија одигра одличен меч и во вистинско време го разби чешкиот комплекс на македонските екипи во еврокуповите, а победата од 2-0 против Млада Болеслав е добра подлога за реваншот и еден чекор поблиску до историски пласман во Лигата на Европа.

Во првиот натпревар од третото коло со головите на капитенот Ферхан Хасани и Бразилецот Стенио Жуниор вечерва најдоа лек за Млада Болеслав, па со два гола предност, по вечерашните 2-0, тетовци ќе патуваат во Чешка. Сето тоа за радост на сопственикот Лазим Дестани, и своите најверни навивачи, со огромна надеж и дека може да се избори посакуваното плеј-оф квалификациско коло за влез во групната фаза од Лигата на Европа.

Домаќините умешно ја искористија предноста од еден играч повеќе, по исклучувањето на Хулка во 52. минута и со два брзи погодоци славеа значајна победа.

Хулка мораше да оди во соблекувалната на почетокот од вториот дел, а прв бројчанат предност ја искористи Стенио Жуниор со гол во 69. минута. Само 6 минути подоцна погоди и Ферхан Хасани за одлични 2-0 пред реваншот во Чешка за една седмица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.