За Најчевска ДИК е „банда идиоти“

Откако ДИК на својата веб-страница го објави списокот на граѓани за кои има несовпаѓање на податоците кои беа предмет на проверки во Избирачкиот список, а на тој список е и името на Мирјана Начевска, таа преку социјалните мрежи се огласи по однос на објавеното, односно дека е фантом.
За самопрогласената активистка за човекови права и силен поддржувач на опозицијата ДИК е „ДИК е составена од банда идиоти, од прв до последен“.

„После сите вкрстувања што ги направила ДИК , со сите бази на податоци и теренското испитување, моето име се уште се наоѓа на списокот на оние за кои не се знае дали постојат или не. Тоа значи дека јас после 35 години гласање на едно исто гласачко место, со регистрирано постојано живеалиште на иста улица и на ист број над 35 години, со работен стаж на исто место со над 35 години, со пасош и лична карта, со пријави до УЈП и платен данок, треба да се вуцарам и да се пријавувам во некоја подрачна единица?
ДИК е составена од банда идиоти (од прв до последен без разлика на пол, верска или национална и партиска припадност) кои или не знаат да читаат па не им е јасно како да го употребат Правилникот (http://www.sec.mk/files/pravilnik_za_metodologija.pdf), или немаат врска со мозокот, а камоли со работата, или пак намерно се изживуваат што го подведувам под вознемирување и барам соодветно да бидат казнети.
Во секој случај, јас немам намера да одам и да докажувам дека постојам и немам намера да гласам во држава во која заштитата на моето право е во рацете на една ваква банда идиоти“, пишува Најчевска на својот Фејсбук профил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.