Ердоган: Ако останев уште 10 минути во Мармарис, ќе ме убиеја!

Турскиот претседател Реџеп Тајип Ердоган смета дека за влакно избегнал смрт, кога заговорниците, во обидот за државен удар, упаднале во турското летувалиште во Мармарис, каде бил на одмор.

– Ако останев уште 10, 15 минути, ќе ме убиеја или киднапираа – рекол Ердоган во интервјуто за американската телевизиска мрежа „Си-ен-ен“.

Ердоган за „Си-ен-ен“ исто така, рекол дека турскиот народ сака смртна казна за оние кои учествувале во неуспешниот државен удар, во кој биле убиени повеќе од 200 луѓе.

Турскиот претседател истакнал дека на парламентот е да одлучи дали повторно ќе се воведе смртната казна, и дека тој, доколку тоа се случи, таквата мерка ќе ја преточи во закон.

epa04881075 A handout picture made available by the Turkish Presidential Press Office shows Turkish President, Recep Tayyip Erdogan, speaking during a meeting with in Ankara, Turkey, 12 August 2015. According to reports Erdogan has vowed to carry on attacks on the PKK until none remain, claiming the group is responsible for a number of recent attacks throught the country. The airstrikes are also said to be targeting the group calling themselves the Islamic State (IS) though this has been questioned amid controversy over statements by the Turkish Prime Minister that Turkey along with the US will set up a defacto no fly zone in Syria’s north, a claim denied by the US. EPA/PRESIDENTIAL PRESS OFFICE / HANDOUT HANDOUT EDITORIAL USE ONLY/NO SALES

Турција во 2004 година ја укинала смртната казна во рамките на напорите кон членството во ЕУ, но повиците за повторно воведува на смртната казна се погласни по неуспешниот воен пуч во петокот, во кој биле убиени повеќе од 200 луѓе.

– За тоа е потребна одлука на парламентот…Како претседател, ќе ја одобрам секоја одлука на парламентот – рекол Ердоган во интервјуто за „Си-ен-ен“.

Ердоган нагласил дека „народот на улиците изнел такво барање”.

– Народот смета дека терористите треба да бидат убиени. Зошто да ги чуваме и храниме во затвор, тоа го вели народот – порачал Ердоган.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.