Џејмс Родригез се сели во Манчестер јунајтед за 80 милиони евра?!

Колумбискиот интернационалец Џејмс Родригез беше доведен на „Сантијаго Бернабеу“ како спектакуларно засилување, но не успеа да се наметне во дресот на Реал Мадрид. Тренерот Зинедин Зидан и следната сезона нема да смета на него како еден од носителите на играта, па постои голема веројатност тој да си замине од клубот. Но, ќе треба да се најде заинтересиран клуб што ќе ја плати истата цена која и Реал Мадрид ја потроши за негов ангажман.

Раководството на „кралевите“ одлучи дека заинтересираните клубови што би сакале да го видат Хамес Родригез во својот тим ќе треба да платат 80 милиони евра. Засега најзаинтересиран е Манчестер јунајтед, но Жозе Мурињо будно ја следи и ситуацијата со Пол Погба. Секако дека евентуален ангажман на двајцата фудбалери би бил преголем чекор и за богатиот англиски премиерлигаш.

За услугите на Родригез се интересираше и ПСЖ, но новиот тренер Унаи Емери очигледно дека има други планови за засилувања, посебно откако „светците“ го ангажираа Хатем Бен Арфа, кој е играч со слични карактеристики како и Колумбиецот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.