Дејв Кларк, еден од највлијателните диџеи во светот, познат под прекарот Техно Барон, преживеа страшна сообраќајна несреќа недалеку од аеродромот „Никола Тесла“ откако со „Продиџи“ го затворија годинашниот фестивал „Егзит“.
Иако е тешко повреден, сепак слетал во Амстердам, огорчен затоа што цел час чекал помош на автопатот.
Тој на својот профил на „Фејсбук“ напиша дека несреќата ја преживеал само благодарение на воздушните перничиња на автомобилот.
-Свирката беше неверојатна, но не и патот кон дома. Спиев на задното седиште и се разбудив кога удривме во бандера, а потоа слетавме во следната лента. Среќа, не удривме во друг автомобил – напиша тој покрај фотографијата на уништениот автомобил.
Кларк додал дека е во агонија од болки, но дека некако успеал да дојде до аеродромот и да си дојде дома.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
