Џо Пери од „Аеросмит“ се онесвести на сцената (видео)

Гитаристот на легендарната група „Аеросмит“, Џо Пери се онесвести на бината за време на настап во Њујорк, по што веднаш е пренесен в болница.

Како што јавија американските медиуми, инцидентот се случил во неделата вечерта во Бруклин, каде Пери настапувал со групата „Холивуд Вемпајарс“, во која членуваат и рокерот Алис Купер и актерот Џони Дип.

Според очевидци на настанот, 65-годишниот Пери одеднаш се затетеравил, по што се струполил на сцената.

Алис Купер на својот налог на Твитер синоќа објави дека Пери „сега е во стабилна сосотојба заедно со неговото семјестви и има најдобра нега“.

Причините за онесвестувањето на Пери официјално не се соопштени, но некои таблоди тврдат дека тој доживеал срцев удар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.