Тепачка меѓу американски дипломат и руски полицаец (ВИДЕО)

Руската телевизија објави снимка на која, руски полицаец и американски дипломат се тепаат на влезот во Амбасадата на САД во Москва.

Американската амбасада се уште не го коментирала инцидентот. Првите информации за оваа тепачка ги објави кон крајот на јуни весникот „Вашингтон пост“, повикувајќи се на изјави на американски дипломати, кои за инцидентот го обвиниле полицаецот.

Руските власти меѓутоа тврдат дека дипломатот го нападнал полицаецот.

На снимката на телевизијата се гледа како пред споредниот влез на Амбасадата застанува такси и дипломатот се движи кон вратата.

Во тој момент од стражарската куќичка излегува униформиран маж, кој го соборува дипломатот на земја.

Портпаролот на руското Министерство за надворешни работи изјави дека полицаецот сакал да ги провери документите и да се увери дека таа личност не претставува опасност за Амбасадата, но и дека тој маж го удрил со лакт по главата.

Руското МНР тврди дека службеникот на Амбасадата е всушност агент на ЦИА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.