Три члено семејство од Ниш настрада во сообраќајка кај Градско. Возилото со кое се превезувале излетало од патот, се превртело и удрило во земјениот брег.
За среќа сите патници минале со лесни повреди. Сообраќајката се случила рано утринава на околу еден километар пред патарината Градско. Семејството патувало на летен одмор во Грција, а возачот на автомобилот вели дека иако управувал со пропишната брзина, во еден момент изгубил контрола над возилото.
За среќа сите минале со полесни повреди. Покрај ова возачот, неговата сопруга и 14 годишната ќерка се пренесени на преглед во велешката болница.
-Возилото почна да се движи во десно, удрив во рабникот а автомобилот почна да се врти неколку пати околу својата оска но за среќа јас и челновите на моето семејство поминавме добро и немаме телесни повреди, вели возачот Саша Јовановиќ.
Во изминатите две години за време на летната сезона, на автопатот Велес – Гевгелија животот го загубија шестмина, сите српски државјани. Утврдено е оти премореност била причината за овие несреќи.
Честите сообраќајки на оваа делница ги алармираа здравствените власти, па со цел да им се овозможи побрза интервенција на оние кои ќе имаат потреба од тоа, тимови на итната медицинска помош секојдневно ќе дежураат на автопатот.
Во само едно деноноќие, сообраќајката кај Градско е втора на автопатот Велес – Гевгелија.
Вчера рано наутро кај Неготино животот го загуби 55- годишен Србин. И тој со сопругата и трите малолетни деца патувал на одмор во Грција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
