Со претставата „Нешто пропуштаме“ на Театар Комедија вечер се спушта завесата на меѓународниот фестивал „Гола месечина“, кој почна на 20 јуни и опфати четири претстави од Македонија и четири од земјите во регионот. Вечерашната претстава зборува за „проституцијата“ во уметноста и за животот и односот меѓу театарџиите зад кулисите. Режијата е на Бојан Трифуновски, а во претставата играат Сашко Коцев, Нина Деан, Валентин Костадиновски, Жаклина Петровска и Столе Мицов. Вечер, исто така, ќе бидат доделени и наградите за најдобра машка и женска улога, најдобра режија и гранпри за најдобра претстава. На годинашниот фестивал „Гола месечина“ публиката во изминатите денови имаше можност ди ги види претставите „Автобус“, „Балкански шпион во Сараево“, „Елинг“, „Хамлет од Горно Дупени“, „Парламентарки“, „Жорж Данден“, „Македонска приказна“, а вечер на затворањето и „Нешто пропуштаме“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
