Вкупно 36 лица се уапсени по синоќешните улични судири во францускиот град Лил меѓу полицијата и англиски навивачи, пред денешниот натпревар меѓу репрезентациите на Англија и Велс на Европското првенство во соседниот град Ленс.
Француската полиција употреби солзавец, а во еден момент и водени топови за да воспостави ред на улиците во центарот на Лил, каде што освен Англичани и Велшани, биле собрани и навивачки групи од Словачка и Русија, чиишто репрезентации вчера попладне играа меѓусебе на стадионот во овој град.
Во соопштението на полицијата се вели дека сите уапсени се обвнети за нарушување на јавниот ред и мир. Шеснаесет лица се префрлени на лекување во болница.
УЕФА веќе ја предупреди Фудбалската асоцијација на Англија (ФА) дека репрезентавијата на Англија ќе биде дисквалифкувана од ЕП 2016 доколку навивачите продолжат со дивеењето по улиците.
Русија е казнета со 160 илјади евра и со условна дисквалификациа од Европското првенство по нападот на руските навивачи врз Англичаните во Марсеј.
Шестмина англиски навивачи на возарст од 20 до 41 година добија затворски казни од еден до три месеци во врска со тепачката со руските навивачи во саботата.
Во меѓувреме, руското Министерство за надворешни работи го повика францускот амбасадор во Москва и му вложи протест за однесувањето на полицијата во Франција, за која се вели дека ги пречекорува овластувањата, обвинувајќи ја „антируско однесување“.
Префектот на францускиот регион Норд-Па-де-Кале, на кој му припаѓаат Лил и Ленс, изјави дека во центарот на Лил и на стадионот во овој град е воведена забрана за продавање, точење и за пиење алкохол.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
