Пирова победа на Уругвај, Мексико и со бод до првото место во групата (видео)

Репрезентацијата на Уругвај славеше над Јамајка со убедливи 3-0, за достојно простување од Копа Америка откако оваа селекција по двата стартни порази ги загуби шансите за пласман во следната рунда. Иако немаа шанси за пласман во следната рунда, селекторот Табарез сепак ги искористи своите најголеми „ѕвезди“ па и на оваа средба настапи со Кавани и Годин во стартниот тим, без Суарез, кој поради повреда воопшто не настапи на Копа Америка 2016.

Абел Хернандез го доведе Уругвај во водство, на 2-0 со автогол зголеми Вотсон, а конечните 3-0 ги постави Карухо Диаз на две минути до крајот од оваа средба. Со тоа, Уругвајците ја прекинаа и „црната серија“ од пет средби без победа на Копа Америка, откако последната исто така ја забележаа против Јамајка на претходното издание од ова регионално натпреварување.

Uruguay vs Jamaica 3-0 All Goals & Highlights… by abuomarlive

Во вториот натпревар од оваа група Мексико и Венецуела кои уште по првите две кола го обезбедија пласманот во четвртфиналето одиграа 1-1 што значи дека Мексико поради подобрата гол разлика (+4) како првопласирана репрезентација се пласираше во следната рунда.

All Goals Highlights HD – Mexico vs Venezuela… by football-zip

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.