По поразот од Чешка, капитенот на македонската репрезентација, Кирил Лазаров ја посочи очајната игра на нашата селекција на првиот меч од бараж-дуелот за пласман на Светското првенство. Кире верува дека Македонија има поквалитетен тим од Чесите и дека во Скопје ќе победат доволно за пласман на големиот светски собир.
„Ова се бараж средби. На СП оди подобриот од двата меча… Факт е дека одигравме слабо тука во Злин во многу сегменти од ракометната игра. Поразот боли, но ќе направиме се да се консолидираме и да се пласираме на СП, колку и да изгледа тоа тешко во моментов. За нас е важен мечот во Скопје. Можеме да ја победиме Чешка и на крајот ние да бидеме тие кои ќе се радуваат. Нема алиби за овој пораз, мораше да одиграме подобро. Факт е и дека сме во криза и тешко е да се излезе од неа, но сигурно ќе дадеме се од себе во Скопје и да продолжиме со настапите на големите ракометни собири“, изјави Лазаров по денешниот натпревар во Чешка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
