Започна Копа Америка, Колумбија го совлада домаќинот (видео)

Репрезентацијата на Колумбија со победа го започна своето 45-то учеству на Копа Америка, откако на премиерниот натпревар од овогодинешното издание му одржа фудбалска лекција на домаќинот САД и со триумфот од 2-0 најави дека летово има високи амбиции.

Пред нешто повеќе од 67 илјади гледачи на садионот „Левис” во Санта Клара, разликата во квалитетот Колумбијците ја претворија во сигурен триумф, во првиот меч од групата А.

Избраниците на Хозе Пекермен погодија многу рано, уште во деветтата минута кога по корнерот на Едвин Кардоне, Кристиан Запата на одличен начин го совлада Бред Гузан. Водството им донесе смиреност на Колумбијците и притисок на домаќинот, а при таквата ситуација латиноамериканците имаа добитна комбинација.

Пред финишот на првиот дел домаќинот беше на колена. Фарид Алфонсо Дијаз нафрл од левата страна, Деандре Џедлин играше со рака во казнениот простор, а Џејмс Родригез доби шанса од пенал да поентира. Секако, ја искористи и во 42. минута веќе беше 2-0.

Меѓутоа, главната ѕвезда на Колумбија заработи повреда во 73-та минута во пределот на рамото, па мораше да го напушти теренот, а се очекуваат резултатите од дополнителните снимки за да се утврди сериозноста на повредата.

Првото коло од групата А на Копа Америка ќе го комплетираат вечерва Костарика и Парагва од 23 часот, а по полноќ се играат двата натпревари од група Б, на кои се среќаваат Хаити – Перу и Бразил – Еквадор.

USA vs Colombia 0-2 All Goals & Highlights 2016 by HQFootball1

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.