Седумгодишно дете преживеало шест дена само во шума откако неговите родители го оставиле под казна на островот Хоакидо во Јапонија.
Малиот Јамато Танука го пронашле војници во една колиба во воената база каде што изведувале воени вежби. По лекарските прегледи било утврдено дека имал само неколку гребаници и дека не било испаничено кога го нашле.
Родителите на Јамато го оставиле надвор од автомобилот поради неговото лошо однесување, а претходно на полицијата ѝ соопштиле дека исчезнал при планинарење. Подоцна признале дека детето било немирно, фрлало камења на автомобили и по луѓе и дека само сакале да го казнат така што ќе го остават сам, надвор од автомобилот, на пет минути, но дека тој исчезнал кога се вратиле по него.
Јапонските медуми наведуваат дека родителите, откако го оставиле само детето, се оддалечиле околу 500 метри и потоа се вратиле но него го немало. Таткото на детето кога го видел повторно веднаш му се извинил на синот и признал дека „отишол предалеку“ со казната. Јамата пак му простил и рекол дека „сѐ е во ред“ по што го прегрнал. Детето имало прилично ниска температура и било гладно и жедно кога го пронашол војник во барака во воената база каде имало вода за пиење. Пронајден е на 5 километри од местото каде што родителите го исфрлиле од автомобилот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
