Илајџа Вуд: Врие од педофили во Холивуд

Илајџа Вуд, кој се прослави во улогата на Хобитот Фродо во трилогијата „Господарот на прстените“, кариерата ја почнал во филмот „Враќање во иднината“ кога имал само осум години.

Тој сега тврди дека Холивуд е преполн со педофили и оти можеби и тој бил бил жртва на еден од нив, доколку не го штитела неговата мајка.

Во интервју за „Тајмс оф Лондон“ ѕвездата го споредува злоупотребувањето, кое го трпат децата во шоу бизнисот со британскиот скандал поврзан со покојниот водител на детски емисии на Би-Би-Си, Џими Севил.

Тој вели дека младите глумци се врбувани од моќни фигури во филмската индустрија на приемите и забавите.

– Се е организирано. Има многу змии во оваа индустрија, луѓе на кои единствено важен им е личниот интерес, вели Илајџа.

Тој додава дека жртвите, кои се обидуваат да прозборат за тоа „се уништените, а нивните животи се неповратно оштетени“.

Вуд вели дека тој не одел на таквите забави, бидејќи неговата мајка, повеќе сакала да го одгледа во добар човек, отколку по секоја цена да ја турка неговата кариера.

Триесет и пет годишниот актер верува дека и денес децата ѕвезди трпат злоупотребувања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.