Роден победник: Браво, Даниел, и за победата и за хуманоста (ВИДЕО)

Даниел Кајмакоски повторно ги освои симпатиите на балканската публика, но овој благодарение на неговата дарба за имитација. Тој доби најголем број гласови од публиката и со тоа ја освои наградата од 25 илјади евра.

Даниел Кајмакоски ја однесе победата во третата сезона од шоуто „Твоето лице звучи познато“.

Пејачот вечерва настапи во улогата на Монс Селмерлев, минатогодишниот победник на Евровизија, и ја изведе песната „Heroes“.

Ви благодарам многу луѓе. Додека траеше шоуто, размислував каде да ги донирам парите доколку победам. Решив парите да ѝ ги дадам на една самохрана мајка која има две болни деца, таа е од Куманово, а за операција на децата се потребни 100 илјади евра. Се надевам дека ја донесов вистинската одлука, рече Даниел непосредно по прогласувањето на победата.

Многу сум среќен што вечерва не мораме да оценуваме, инаку би бил во голема дилема. Твојот настап беше спектакуларен. На сите ни се претстави како добар пејач, добро момче и мислам дека многу придонесе оваа емисија да биде топ, воодушевено изјави водителот Иван Ивановиќ.

Даниел несомнено беше спектакуларен не само оваа вечер, туку во текот на целото шоу, кое траеше околу 3 месеци. Илјада евра освои со имитацијата на Тина Тарнер, но подеднакво пленеше и како фронтменот на Рамштајн, Мајкл Џексон, Џастин Бибер, Бруно Марс…

Во финалето си ги одмери силите со Каја, Ивана, Неша и Никола Првиот натпреварувач, кој го напушти финалето беше Ивана Петерс, откако освои најмал број на гласови од публиката.

По неа шоуто го напуштија Каја и Неша Бриџис, па на крајот останаа само Даниел и Никола Роквиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.